KISA: Kijana alietupwa Katika Shimo

Kijana mmoja alishikwa akiwa anakatisha katikati
ya shamba la mzee mmoja aliyekuwa tajiri na
katili wa kutupwa katika kijiji chake na kisha
kutupwa katika shimo lenye urefu wa zaidi ya futi
40.

Akiwa mle ndani alilia sana tena kwa uchungu na
hakuwa na jinsi kwani mle ndani kulikuwa na
baadhi ya mizoga na mabaki ya baadhi ya viumbe
vilivyotupwa mle na kufa kwa kushindwa kujiokoa
kutoka katika shimo lile kuwa refu.

Akafikiri namna ya kujitoa pale na kuanza
kujirusha ili ajitoe mle ndani lakini kila alipozidi
kuruka ndio jinsi misuli yake ilivyozidi kuwa dhaifu
na dhaifu zaidi.

Mwishowe akafikiri aache kwani angepoteza nguvu
zake na mwisho kufa hivyo ni nafuu abaki bila ya
kufanya chochote na kusubiri muda wa kufa
ufike.

Akiwa ameshaamua kusubiri kifo, mara akasikia
sauti kutoka upande wa pili ambako kuna mtu
alisikika akipiga kelele za kuomba msaada wa
kujinasua na shimo lake lilikuwa chini zaidi kwa
futi 10...uuuuh akavuta pumzi na kuona kumbe
wako wengi wanaohitaji msaada mle ndani.

Akakaa kimya na kusikia jitihada za mtu yule
akijitahidi kujinasua na mchanga ukimwagika
chini... Ghafla akajawa na nguvu na hamasa ya
kutoka mle ndani akasimama na kuanza kujinasua
hatua moja baada ya nyingine na hatimaye
akafanikiwa kujinasua mle ndani na kuondoka
kwenda kwake.

Funzo

Yale maumivu ya mapito magumu unayofikiri
unayapitia peke yako, kumbuka kuna watu
wanaumia zaidi yako

Kila siku jipe maneno yenye matumaini na amini
katika kila changamoto unatakiwa kuwa mvumilivu
huku ukitafuta njia ya kujinasua

Kila maumivu ambayo yanakujia usiyape muda
wa kukaa ndani yako zaidi ya kuyapa kisogo
yapotee kwani kwa kila giza la leo kumbuka
asubuhi inakuja na nuru itatokea

Jipe ujasiri mwenyewe , chukua kioo jiangalie na
kusema " mimi ni zaidi ya kila kitu na nitafanikiwa
kwa kila jambo na kumwomba Mungu akutangulie
na kuwa mlinzi wako"

Kila mara jaribu kuyakazia uso matatizo yaliyo
mbele yako na kuhakikisha unayatatua na
kuyageuza kuwa fursa kwani hakuna kizuri
kinachokuja kirahisi rahisi labda kutoka kwa
kameruni

Baba Mungu, namwombea kijana huyu
anayesoma ujumbe huu umpe imani, nguvu na
ujasiri wa kuyahimili matatizo yake na kumfanya
aje kuwa mtu mwenye mafanikio ..AMEN